Андрэй Міхайлавіч Абломскі (руск.: Андрей Михайлович Обломский; 5 жніўня 1957, Масква, Расійская Федэрацыя) — расійскі гісторык. Доктар гістарычных навук (2001 г.). Скончыў Маскоўскі дзяржаўны ўніверсітэт (1979 г.). З 1983 г. у Інстытуце археалогіі РАН (да 1991 г. Акадэмія навук СССР), кіраўнік групы па вывучэнні старажытнасцей эпохі Вялікага перасялення народаў у аддзеле славяна-рускай археалогіі (з 2002 г.), вядучы навуковы супрацоўнік. Асноўныя навуковыя інтарэсы: славянскі этнагенез, рэканструкцыя этнічных працэсаў у канцы I-га тыс. да н.э. — I-м іыс. н.э. на тэрыторыі Усходняй Еўропы, у т.л. ў Беларусі. Праводзіў даследаванні ў цэнтралньых і паўднёвых рэгіёнах Расіі, Украіны, Паўночнага Прычарнамор’і, Польшчы, з 1984 г. кіраўнік Раннеславянскай экспедыцыі Інстытута археалогіі РАН.