У Вікіпедыі ёсць артыкулы пра іншых асоб з прозвішчам Глінка. А́ндрай Глі́нка (славацк.: Andrej Hlinka; 27 верасня 1864, Чэрнава, цяпер частка Ружамберка — 16 жніўня 1938, Ружамберак) — славацкі каталіцкі святар і палітык клерыкальна-нацыяналістычнага толку.
Стварыў партыю, якая імкнулася да аўтаноміі Славакіі ў рамках Чэхаславакіі, а пазней да поўнай незалежнасці. Праз год пасля яго смерці, пасля акупацыі немцамі Чэхаславакіі, яго партыя, Глінкава славацкая народная партыя, прыйшла да ўлады ў Славакіі і абвясціла яго нацыянальным героем.
У памяць пра нацыянальнага героя Славацкай рэспублікі ў 1994 годзе заснавана дзяржаўная ўзнагарода Славакіі — Ордэн Андрая Глінкі.