Ангара́ — рака ва Усходняй Сібіры, самы буйны правы прыток Енісея, адзіная рака, якая выцякае з возера Байкал. Працякае па тэрыторыі Іркуцкай вобласці і Краснаярскага края Расіі.
Даўжыня Ангары 1779 км. Плошча вадазбору 1039 тыс. км². Сярэднегадавы расход вады ў вусці 5,1 тыс. м³/сек.
Прытокі: Кітой, Кова (левыя), Чадабец (правы).
Назва паходзіць ад бурацкага кораня анга, які азначае «разяўлены», «раскрыты», «адкрыты», а таксама «прамоіна», «расколіна», «цясніна». У гістарычных крыніцах Ангара ўпершыню згадваецца ў XIII стагоддзі пад назвай Анкара-Мурэн. Першапачаткова ніжні працяг ракі ад упадзення прытоку Ілім насіў іншую назву — Верхняя Тунгуска.
На рацэ пабудаваны Іркуцкая, Брацкая, Усць-Ілімская ГЭС.
Ангара — река с двумя именами Архівавана 29 ліпеня 2013.(руск.)
На Вікісховішчы ёсць медыяфайлы па тэме Ангара