У Вікіпедыі ёсць артыкулы пра іншых асоб з прозвішчам Баброва. У Вікіпедыі ёсць артыкулы пра іншых асоб з прозвішчам Піскуновіч. Анастасія Леанідаўна Баброва (сапраўднае імя — Анастасія Піскуновіч[2]; нар. 14 жніўня 1982, Віцебск, Беларусь) — беларуская актрыса тэатра і кіно.
Нарадзілася 14 жніўня 1982 года ў Віцебску.
З 1997 па 1998 гг. наведвала тэатральную студыю «Гармонія» (г. Полацк) пад кіраўніцтвам В. Нагорнай.
З 1999 па 2000 гг. грала ў Народным тэатры ў Полацку пад кіраўніцтвам Е. Сакольскага.
У 2000—2003 гг. вучылася ў Віцебскай вучэльні мастацтваў на спецыялізацыі «Рэжысёр-пастаноўшчык, педагог». Абараніла дыплом спектаклем «Прапанова» паводле А. Чэхава.
У 2001—2003 гг. грала ў Нацыянальным акадэмічным тэатры імя Я. Коласа ў Віцебску.
У 2003 г. паступіла ў Беларускую дзяржаўную акадэмію мастацтваў на курс Л. Манаковай, якую скончыла ў 2007 г., атрымаўшы спецыяльнасць «Акцёр драматычнага тэатра і кіно».
З 2007 г. працуе ў Рэспубліканскім тэатры беларускай драматургіі (Мінск).