Аменхатэ́п Мало́дшы, ці Аменхатэ́п, сын Хапу (каля 1460, Атрыбіс[ru], Ніжні Егіпет — каля 1380 да н. э.) — старажытнаегіпецкі архітэктар, быў на ваеннай і дзяржаўнай службе. Дарадца Аменхатэпа III, настаўнік малалетняга Аменхатэпа IV.
Пабудаваў храм бога Амона-Ра ў Луксоры (разам з архітэктарамі братамі Горы і Суці), храмы ў Салебе[de] і Седэінгу, грандыёзныя помнікі ў Карнаку (храм бога Хансу, храм багіні Мут, алею сфінксаў паміж Луксорам і Карнакам), а таксама памінальны храм Аменхатэпа III[de] на заходнім беразе Ніла (захаваліся калосы Мемнана[ru]).
Недалёка ад храма Тутмоса II узведзены храм у гонар Аменхатэпа Малодшага[1].