Алёшня — рака ў Касцюковіцкім раёне Магілёўскай вобласці, правы прыток ракі Беседзь (басейн Дняпра). Даўжыня 41 км. Плошча вадазабору 276 км². Сярэдні нахіл воднай паверхні 0,8 ‰. Пачынаецца на захадзе ад вёскі Самацевічы, цячэ часткова па Бранскай вобласці Расіі, дзе і ўпадае ў Беседзь. Водазабор у асноўным на Аршанска-Магілёўскай раўніне. У вярхоўі рака каналізаваная на працягу 7,6 км.