У Вікіпедыі ёсць артыкулы пра іншых асоб з прозвішчам Слізень. Аляксандр Слізень (1579 — 11 студзеня 1651) — вялікалітоўскі дзяржаўны дзеяч.
Паходзіў са шляхецкага роду Слізняў, сын Рыгора, падсудка ашмянскага. Стольнік ашмянскі, староста мядзельскі, выбіраўся паслом на соймы, дэпутатам Трыбунала Вялікага Княства Літоўскага. Як каралеўскі сакратар двойчы ездзіў паслом у Маскву (1610 і 1620 гады).
У шлюбе з Кацярынай Стахоўскай меў сына Аляксандра Казіміра, падстолія ашмянскага.