У Вікіпедыі ёсць артыкулы пра іншых асоб з прозвішчам Каханоўскі. Аляксандр Генадзьевіч Каханоўскі (нар. 24 ліпеня 1963, Маладзечна) — беларускі гісторык.
Нарадзіўся ў Маладзечне 24 ліпеня 1963 года. Сын Генадзя Каханоўскага. Скончыў гістарычны факультэт БДУ (1985), аспірантуру пры ім (1988). Абараніў кандыдацкую дысертацыю «Социально-классовая структура населения Белоруссии во второй половине ХIХ века». Кандыдат гістарычных навук (1989). Доктар гістарычных навук (2015).
3 1988 года навуковы супрацоўнік, старшы навуковы супрацоўнік, вядучы навуковы супрацоўнік, кіраўнік навукова-даследчай лабараторыі гісторыі Беларусі БДУ. З 1991 года намеснік дэкана гістарычнага факультэта БДУ па навуковай рабоце. Адначасова з 1992 года дацэнт кафедры гісторыі БДУ. З 1999 года загадчык кафедрыі гісторыі Беларусі новага і навейшага часу. З 2016 дэкан гістарычнага факультэта БДУ. Ажыццяўляе навуковае кіраўніцтва магістарскімі і кандыдацкімі дысертацыямі, падрыхтаваў 5 кандыдатаў навук. Сябра рэдкалегій шэрагу навуковых выданняў. Узнагароджаны знакам «Выдатнік адукацыі» (2009), Пачэснай граматай Нацыянальнага сходу Рэспублікі Беларусь (2013). З 2016 года дэкан гістарычнага факультэта БДУ.[2]
Даследуе сацыяльныя і этнакультурныя працэсы на Беларусі ХІХ-ХХ ст. Аўтар падручнікаў, даведачна-інфармацыйных дапаможнікаў: «Гісторыя Беларусі» (1994), «Гісторыя Беларусі: Навучальны дапаможнік…» (1996) і інш. Суаўтар кнігі «Руплівец нашай старасветчыны: Яўстах Тышкевіч» (Мн., 1991), напісанай разам з Генадзем Каханоўскім. У 2014 паспяхова абараніў дысертацыю «Социальная трансформация белорусского общества (1861—1914 гг.)», па выніках якой у красавіку 2015 Прэзідыум ВАК Рэспублікі Беларусь прысудзіў навуковую ступень доктара гістарычных навук.