У Вікіпедыі ёсць артыкулы пра іншых асоб з прозвішчам Старжынскі. Аляксандр Гаўрылавіч Старжынскі (1850 — ?) — інжынер-архітэктар[1].
Нарадзіўся ў 1850 годзе[1].
Першапачатковую адукацыю атрымаў Мінскай мужчынскай гімназіі[1]. Паступіў у Пецярбургскае будаўнічае вучылішча ў 1867 годзе і скончыў курс у 1872 годзе са званнем архітэктарскага памочніка і правам на чын XII класу[1].
Першапачаткова прызначаны на пасаду малодшага інжынера пры харкаўскім губернскім праўленні. Праз два гады перамешчаны малодшым архітэктарам пры вяцкім губернскім праўленні, а з 1884 года заняў пасаду губернскага інжынера будаўнічага аддзялення ў г. Пензе. За гэты час А. Старжынскі толькі зрэдку прымаў удзел у прыватных пабудовах. Акрамя чыста практычнай дзейнасці, займаўся працамі кабінетнага характару, як, напрыклад, складаннем разлікаў і паверкай устойлівасці царкоўных збудаванняў.