Павел Іванавіч Беспальчук (1 ліпеня 1921, г. Варонеж — 18 чэрвеня 1992) — беларускі вучоны-інфекцыяніст, заслужаны дзеяч навукі Беларусі, доктар медыцынскіх навук (1970), прафесар (1971).
У 1943 годзе скончыў Ленінградскую Ваенна-медычную акадэмію (Самарканд).
У 1946 годзе быў загадчыкам скурна-венералагічнага аддзялення раённай паліклінікі ў Горках Магілёўскай вобласці, выкладаў на вайсковай кафедры Беларускага сельскагаспадарчага інстытута ў Горках(1946—1948).
1957—1971 гадах быў дацэнтам кафедры інфекцыйных хвароб Мінскага медыцынага інстытута, адначасна быў дэканам курса (1957—1958), намеснікам дырэктара інстытута па навучальнай працы (1958—1961). У 1958 годзе прысвоена навуковае званне дацэнта. У 1961—1986 гадах рэктар Мінскага медычнага інстытута.