У Вікіпедыі ёсць артыкулы пра іншых асоб з прозвішчам Скрыган. Аляксандр Іосіфавіч Скрыга́н[1] (11 жніўня 1905 — 28 жніўня 1981 — вучоны, хімік, доктар хімічных навук (1966), прафесар (1968).
Нарадзіўся ў вёсцы Труханавічы (зараз у Капыльскім раёне Мінскай вобласці Беларусі). У 1928 годзе скончыў Беларускую акадэмію сельскай і лясной гаспадаркі, у 1931 годзе — Ленінградскую лесатэхнічную акадэмію. З 1932 года працаваў у Інстытуце хіміі Акадэміі навук БССР, у 1959—1979 гадах — у Інстытуце фізіка-арганічнай хіміі. У 1944—1976 гадах займаў пасаду загадчыка лабараторыі, у 1951—1952 і 1967—1970 гадах — намесніка дырэктара інстытута.
Аўтар навуковых прац па хіміі драўніны, міжмалекулярных сувязях прыродных палімераў, каталітычнай дэлігніфікацыі раслінных тканак. Мае шэраг аўтарскіх пасведчанняў на вынаходствы.
Сярод апублікаваных прац: