У Вікіпедыі ёсць артыкулы пра іншых асоб з прозвішчам Дасужаў. Аляксандр Ігаравіч Дасужаў (31 кастрычніка 1945, в. Пухавічы, Пухавіцкі раён, Мінская вобласць — 2 лютага 2014) — беларускі мастак.
Скончыў мастацка-графічны факультэт Віцебскага дзяржаўнага педагагічнага інстытута (1970). Член Беларускага Саюза мастакоў. Член творчага аб’яднання «Квадрат». Працаваў у станковым жывапісе, графіцы, ствараў калажы, асамбляжы, аб’екты і інсталяцыі. Аўтар канцэпцыі ПЛІП (паверхня, лінія, пляма).
Асноўныя творы — палотны «Па дарозе да зімы», «Цыкламен», «Асенні нацюрморт з венскім стулам», «У канцы лютага», «Віцебск 1920-х», «На дзень нараджэння „Квадрата“», «Цераз чырвонае», «Цераз блакітнае», «Пераезд», «ПЛІП22 (Восеньскае раўнадзенства)», «ПЛIПабект (Час)», «ПЛШ252 (Дзень ікс)».
Творы знаходзяцца ў Віцебскім абласным мастацкім музеі.