У Вікіпедыі ёсць артыкулы пра іншых асоб з прозвішчам Лойка.
Аляксандр Іванавіч Лойка (нар. 19 жніўня 1957, в. Дворышча, Хойніцкі раён, Гомельская вобласць ) — беларускі філосаф. Доктар філасофскіх навук (1998), прафесар (2001).
Скончыў Беларускі дзяржаўны ўніверсітэт (спецыяльнасць «Філасофія», 1983; аспірантура, 1986), Інстытут філасофіі і права АН Беларусі (дактарантура, 1996).
Працаваў у Гомельскім дзяржаўным універсітэце (1986—1989), Беларускім нацыянальным тэхнічным універсітэце (з 1989, факультэт тэхналогій кіравання і гуманітарызацыі, кафедра «Філасофскія вучэнні», загадчык кафедры).
Навуковыя інтарэсы: філасофія дзейнасці; філасофія тэхнікі; метадалогія навукі; філасофская аксіялогія; філасофія мадэрнізацыі.