У Вікіпедыі ёсць артыкулы пра іншых асоб з прозвішчам Цвікевіч. Аляксандра Зорына (сапр. Аляксандра Цвікевіч, 17 верасня 1899, Баранавічы — 31 мая 1973, ЗША) — актрыса нямецкага нямога кіно.
У 1917 годзе пераехала ў Польшчу, дзе атрымала запрашэнне зняцца ў кіно. Дэбют аказаўся паспяховым і актрыса заключыла кантракт з нямецкай кінакампаніяй «UFA» у Мюнхене. З 1919 года па 1932 год знялася ў шэрагу фільмаў.
Падтрымлівала сувязі са многімі знакамітасцямі: Ф. Шаляпіным, С. Ясеніным, У. Набокавым і інш. У 1932 годзе ўзяла шлюб з кінапрадзюсарам Сяргеем Оцупам, пасля чаго завяршыла кар’еру кінаактрысы. Другая сусветная вайна разбурыла сям’ю. А. Зорынай прыйшлося самой зарабляць на жыццё. Працавала на многіх работах. У 1949 годзе эмігравала ў ЗША, пасялілася ў Сан-Францыска. Памерла ў 1973 годзе ад анкалагічнага захворвання. Пахавана ў каліфарнійскім горадзе Сан-Рафаэль[5].