Але́ксін (руск.: Алексин) — горад у Расіі, адміністрацыйны цэнтр Алексінскага раёна Тульскай вобласці. Заснаваны ў 1236 годзе (статус горада з 1777).
Насельніцтва (2007) — 65,7 тыс. жыхароў.
Горад размешчаны на поўначы Сярэднерускага ўзвышша, на рацэ Ака, за 71 км ад Тулы, прыстань. У горадзе знаходзіцца хімічны камбінат, які пры савецкай уладзе быў адным з лепшых у краіне.
На беразе Акі ёсць таксама буйная курортная зона. У Алексіне любіў адпачываць Антон Паўлавіч Чэхаў.