У Вікіпедыі ёсць артыкулы пра іншых асоб з прозвішчам Смаляк. Ала Віктараўна Смаляк (нар. 7 верасня 1973, г. Бярозаўка, Лідскі раён, Гродзенская вобласць) — беларускі дзяржаўны дзеяч, член Савета Рэспублікі Нацыянальнага сходу Рэспублікі Беларусь 7-га склікання пастаяннай камісіі па адукацыі, навуцы, культуры і сацыяльным развіцці[1]. Старшыня Гомельскай абласной арганізацыі грамадскага аб’яднання «Беларускае таварыства Чырвонага Крыжа»[2]. Член Камуністычнай партыі Беларусіі[3].
Скончыла Беларускі гандлёва-эканамічны ўніверсітэт спажывецкай кааперацыі.
Працавала памочнікам выхавальніка ў дзіцячым садку № 3" (г. Бярозаўка), касірам у таварыстве з абмежаванай адказнасцю «Лідская кампанія» (г. Бярозаўка), прадаўцом на прадпрыемстве шклозавод «Нёман» (г. Бярозаўка).
Выбіралася дэпутатам дэпутат Гомельскага абласнога Савета дэпутатаў ад Навабеліцкай выбарчай акругі № 8 і ўваходзіла ў пастаянную камісію па развіццю сацыяльнай сферы[4].
Ганаровая грамата Савета Міністраў Рэспублікі Беларусь (2018)[5].