У Вікіпедыі ёсць артыкулы пра іншых асоб з прозвішчам Куніцкая. Аксана Сяргееўна Куніцкая — беларускі педагог, кандыдат педагагічных навук (2020), дацэнт.
У 1996 годзе скончыла з «адзнакай» БДПУ імя М. Танка па спецыяльнасці педагогіка і псіхалогія дашкольная і замежная мова, прысвоена кваліфікацыя выкладчыка нямецкай мовы, метадыста дашкольнай педагогікі і псіхалогіі.
У 1996—1997 гадах — сакратар-перакладчык у прадстаўніцтве Прамыслова-гандлёвай палаты г. Бона ў г. Мінску.
У 2008 годзе скончыла з «адзнакай» факультэт перападрыхтоўкі спецыялістаў адукацыі Інстытута павышэння кваліфікацыі і перападрыхтоўкі кадраў БДПУ, вячэрняе аддзяленне, прысвоена кваліфікацыя выкладчыка англійскай мовы.
З 1997 па 2009 гады з’яўлялася старшым выкладчыкам кафедры сучасных еўрапейскіх моў БДПУ. З 2009 па 2014 гады з’яўлялася намеснікам дэкана па вучэбнай працы факультэта сацыяльна-педагагічных тэхналогій БДПУ.
У 2017 годзе завяршыла навучанне ў аспірантуры ў форме суіскальніцтва па кафедры сацыяльнай педагогікі БДПУ. 24 верасня 2019 года абараніла кандыдацкую дысертацыю на суісканне навуковай ступені кандыдата педагагічных навук па спецыяльнасці 13.00.01 — агульная педагогіка, гісторыя педагогікі і адукацыі па тэме «Сацыяльна-педагагічная падтрымка студэнтаў першага курса ў працэсе адаптацыі да адукацыйнай асяроддзі ўстановы вышэйшай адукацыі»
З чэрвеня 2020 года кіруе кафедрай сацыяльнай педагогікі факультэта сацыяльна-педагагічных тэхналогій БДПУ.
У шлюбе з Уладзімірам Куніцкім, кандыдатам гістарычных навук, дацэнтам кафедры ўсеагульнай гісторыі і методыкі выкладання гісторыі БДПУ.