Адольф Рувімавіч Міроцін (нар. 5 мая 1952, Гомель) — беларускі матэматык. Доктар фізіка-матэматычных навук (2003), прафесар (2009).
Скончыў Гомельскі дзяржаўны ўніверсітэт (спецыяльнасць «Матэматыка», 1974), Маскоўскі дзяржаўны ўніверсітэт імя М. В. Ламаносава (аспірантура, 1985).
Працуе ў Гомельскім дзяржаўным універсітэце імя Ф. Скарыны (з 1974, факультэт матэматыкі і тэхналогій праграмавання, кафедра матэматычнага аналізу і дыферэнцыяльных ураўненняў, з 2008 — загадчык кафедры).
Навуковыя інтарэсы: функцыянальны аналіз; гарманічны аналіз; тэорыя аператараў.
Нагрудны знак «Выдатнік адукацыі» (2017) і інш.