Адкрыты чэмпіянат Паўночнай Ірландыі 2017 (англ.: Northern Ireland Open 2017, таксама вядомы як «Dafabet Northern Ireland Open 2017» ад назвы спонсара) — прафесійны рэйтынгавы турнір па снукеры, які праходзіў з 20 па 26 лістапада 2017 года ў «Waterfront Hall», у Белфасце, Паўночная Ірландыя. Прызавы фонд турніру склаў £366,000, з якіх £70,000 атрымаў пераможца. Турнір стаў другім спаборніцтвам новай «Серыі хатніх нацый» у сезоне, якая была заснавана ў сезоне 2016/2017 і ўключала ў сябе таксама адкрыты чэмпіянат Англіі, адкрыты чэмпіянат Шатландыі і адкрыты чэмпіянат Уэльса, а таксама другім розыгрышам адкрытага чэмпіянату Паўночнай Ірландыі.