Адкрыты чэмпіянат Шатландыі 2017 (англ.: Scottish Open 2017, таксама вядомы як «Dafabet Scottish Open 2017» ад назвы спонсара) — прафесійны рэйтынгавы турнір па снукеры, які праходзіў з 11 па 17 снежня 2017 года ў «Emirates Arena», у Глазга, Шатландыя. Прызавы фонд турніру склаў £366,000, з якіх £70,000 атрымаў пераможца. Турнір стаў трэцім спаборніцтвам «Серыі хатніх нацый» у сезоне, якая была заснавана ў сезоне 2016/2017 і ўключала ў сябе таксама адкрыты чэмпіянат Англіі, адкрыты чэмпіянат Паўночнай Ірландыі і адкрыты чэмпіянат Уэльса, а таксама 24-м розыгрышам адкрытага чэмпіянату Шатландыі, які таксама меў назву «International Open» і праходзіў з 1981 да 2004 года і ў сезоне 2012/2013 у рамках серыі Players Tour Championship.