Агарэ́віцкі сельсавет — адміністрацыйна-тэрытарыяльная адзінка ў Ганцавіцкім раёне Брэсцкай вобласці. Адміністрацыйны цэнтр — аграгарадок (да 2008 г. — вёска) Агарэвічы.
Створаны 12 кастрычніка 1940 года ў Ганцавіцкім раёне Пінскай вобласці. З 8 студзеня 1954 года — у Брэсцкай вобласці. 16 ліпеня 1954 года да сельсавета далучаны тэрыторыі скасаваных Круговіцкага і Кукаўскага сельсаветаў[1]. З 25 снежня 1962 па 30 ліпеня 1966 года ў складзе Ляхавіцкага раёна.
Паводле перапісу 2009 года насельніцтва сельсавета складае 3061 чалавек[2], з іх 95,8 % — беларусы[3].