Аблога Сараева — самая доўгая аблога сталіцы ў гісторыі сучаснай вайны[1]. Пасля першапачатковай аблогі сіламі Югаслаўскай народнай арміі, Сараева, сталіца Босніі і Герцагавіны, была абложана войскам Рэспублікі Сербскай ад 5 красавіка 1992 года да 29 лютага 1996 (1425 дзён) падчас Баснійскай вайны. Аблога была ўтрая даўжэйшай, чым Сталінграда падчас Сталінградскай бітвы і больш, чым на год даўжэйшай за аблогу Ленінграда[2].