Абдала II (30 студзеня 1962, Аман, Іарданія) — кароль Іарданіі з 1999 года.
Нарадзіўся 30 студзеня 1962 года ў Амане. Бацька - кароль Хусейн бен Талал. Абдала - прамы нашчадак прарока Мухамеда ў 43-м пакаленні[5]. У Іарданіі спадчынніка называлі “замежнікам”, бо ён нарадзіўся ў шлюбе Хусейна з англічанкай.
Пачатковую адукацыю атрымаў у Ісламскім адукацыйным каледжы ў Амане (Islamic Educational College in Amman). Скончыў Каралеўскую ваенную акадэмію Сандхерта, Оксфардскі ўніверсітэт і курсы афіцэраў брытанскіх войскаў. Прайшоў стажыроўку ў батальёне Каралеўскай кавалерыі Брытанскіх узброеных сіл у якасці камандзіра. У 1988 годзе атрымаў ступень магістра па міжнародных пытаннях у Джорджтаўнскім універсітэце(англ.) бел. (ЗША). Калі Абдала вярнуўся ў Іарданію, яму прысвоілі званне старэйшага лейтэнанта. У студзені 1992 года назначаны камбатам бранетанкавага палка. У 1994 годзе атрымаў званне брыгаднага генерала.
Абдала II — кваліфікаваны вадалаз, парашутыст і пілот. Захапляецца аўтаралі, калекцыянуе зброю, з’яўляецца вялікім знаўцам японскай кухні. У 1995 годзе зняўся ў эпізадычнай ролі ў серыяле Зорны шлях: Вояджэр, прыхільнікам якога ён з’яўляецца. Вядзе вялікае асабістае сяброўства з экс-прэзідэнтам ЗША Джорджам Бушам.
Жанаты на каралеве Раніі, палесцінцы па паходжанні[6]. Чацвёра дзяцей (два сына і дзве дачкі).