Эляктрэнай (літ.: Elektrėnai) — горад у цэнтральнай Літве, з’яўляецца адміністрацыйным цэнтрам Эляктрэнайскага самакіравання Вільнюскага павета[2].
Эляктрэнай знаходзіцца за 49 км ад Вільнюса і за 54 км ад горада Каўнас.
Горад адносіцца да этнаграфічнага рэгіёна Аўкштайція.
Горад узнік як пасёлак гарадскога тыпу пры будаўніцтве цеплавой электрастанцыі, якое пачалася ў 1960 годзе. Афіцыйнай датай пачатку будаўніцтва лічыцца 18 ліпеня 1961 года. У 1972 годзе была скончана апошняя частка будаўніцтва.
У 1977 годзе ў горадзе быў пабудаваны лядовы палац спорту.
З 2000 года Эляктрэнай стаў адміністрацыйным цэнтрам самакіравання.
Насельніцтва Эляктрэная складае 11 588 чалавек (2020).