Чарлз Эдвард Айвз (20 кастрычніка 1874 — 19 мая 1954) — выдатны амерыканскі кампазітар , арганіст, страхавы агент.
Творчасць адзначаецца арыгінальным, аўтэнтычным, сінтэтычным падыходам. Айвз вядомы як адзін з першых эксперыментатараў. Раней за іншых ён выкарыстоўваў нетрадыцыйныя сродкі, якія атрымалі распаўсюд пазней у XX стагоддзі: палітанальнасць, палірытмія, кластэры, алеаторыка, чвэрцьтонавая музыка. Падчас жыцця кампазітара яго творы выконвалася мала, хаця на паперы выдаваліся. Айвз не быў кампазітарам паводле прафесіі: за час ад заканчэння Ельскага ўніверсітэта ў 1898 годзе да выхаду на пенсію ў 1930 годзе ён зрабіў паспяховую кар’еру ў страхавым бізнэсе.