Фушунь — горад на паўночным усходзе Кітая, у правінцыі Ляанін, на рацэ Хуньхэ. 1,2 млн.жыхароў (1990). Адзін з найважнейшых цэнтраў цяжкай прамысловасці. Прамысловасць: чорная і каляровая металургія (выплаўка алюмінію), машынабудаванне, нафтахімічная і цэментная прамысловасць, вытворчасць мінеральных угнаенняў, кіслот, сінтэтычнага паліва. У раёне Фушуня здабыча каменнага вугалю, гаручых сланцаў, жалезнай руды і алюмініевай сыравіны.