У Вікіпедыі ёсць артыкулы пра іншых асоб з прозвішчам Морган.
Томас Хант Морган (англ.: Thomas Hunt Morgan, 1866 — 1945) — амерыканскі біёлаг, адзін з заснавальнікаў генетыкі. Першым пачаў доследы на дразофілах, абгрунтаваў храмасомную тэорыю спадчыннасці. Лаўрэат Нобелеўскай прэміі па фізіялогіі і медыцыне (1933).
За сваю выдатную кар’еру напісаў 22 кнігі і 370 іншых навуковых прац. З яго падачы Drosophila стала галоўным мадэльным арганізмам у сучаснай генетыцы. З аддзялення біялогіі, якое ён заснаваў у Каліфарнійскім тэхналагічным інстытуце, выйшла сем лаўрэатаў Нобелеўскай прэміі.