Сярге́й Мікала́евіч Хо́дзін (нар. 31 мая 1963, пасёлак Путчына Дзяржынскага раёна Мінскай вобласці) — беларускі гісторык. Кандыдат гістарычных навук (1990)[1].
Нарадзіўся 31 мая 1963 года. У 1985 годзе скончыў гістарычны факультэт Беларускага дзяржаўнага ўніверсітэта. Дэкан гістарычнага факультэта БДУ (2000-2016), загадчык кафедры крыніцазнаўства (2001-2016, з 2019), прарэктар па вучэбнай рабоце і інтэрнацыяналізацыі адукацыі (2016-2018).
Даследуе сацыяльна-эканамічную і палітычную гісторыю XX стагоддзя, тэорыю і гісторыю крыніцазнаўства, крыніцазнаўства гісторыі Беларусі. Аўтар звыш 100 навуковых прац.