wd wp Пошук:
    ⬜

    Стрыптыз і вайна

    «Стрыпты́з і вайна́» — беларускі дакументальны фільм, зняты рэжысёрам Андрэем Куціла на тэлеканале «Белсат» у 2019 годзе.[1]

    Змест

    У ваенным гарадку пад Мінскам жывуць дзед і ўнук. Падпалкоўнік авіяцыі ў адстаўцы, дзед узнагароджаны медалямі, жыве актыўна, удзельнічае ў грамадскім жыцці. Свята верыць у ідэалы савецкага мінулага, шчыра распавядае аб гэтым моладзі. Унук кінуў прафесію інжынера. Офісная праца не прыносіла яму ні заробка, ні задавальнення. Сёння ён спрабуе ажыццявіць мару – стварыць тэатр эратычнага танца. Дзядуля не гатовы мірыцца з памкненнямі ўнука і прыкладае ўсе намаганні, каб вярнуць яго да стабільнага і звычайнага жыцця. Канфлікт пакаленняў робіцца роздумам аб супярэчнасцях постсавецкай прасторы.[2]

    У фільме здымаліся

    Акцёр Роля
    Анатоль Маісееў

    Здымачная група

    Узнагароды і фестывалі

    Фільм удзельнічаў у 22 кінафестывалях па ўсім свеце і выйграў 6 узнагарод. Сярод іх прыз кінакрытыкаў на фестывалі фільмаў з Цэнтральнай і Усходняй Еўропы «goEast[de]» у Вісбадэне (Германія, 2019), адмысловы прыз журы ў асноўным конкурсе дакументальнага кіно на фестывалі «Лістапад» у Мінску (Беларусь, 2020) і прыз маладога гледача на Міжнародным фестывалі дакументальных фільмаў «Millenium» у Бруселі (Бельгія, 2020).[3]

    Крытыка

    Кінакрытык Ірэна Кацяловіч[4]:

    Як звычайна, за цікавым парадоксам у Андрэя Куцілы хаваецца невясёлы вынік. Камічныя спрэчкі, жартаўлівы мантаж, стрыптыз — усё гэтае дасьледаваньне сучаснасьці ў рэшце рэшт не дае адысьці ад савецкай выпраўкі далёка. Дакумэнтальная карціна дае нагоду канстатаваць, што мінулае і ёсьць наша сучаснасьць.

    Зноскі

    1. ↑ Стрыптыз і вайна(нявызн.). Белсат. Праверана 31 жніўня 2020.
    2. ↑ Ганчарова, Кацярына. Андрэй Куціла. «СТРЫПТЫЗ І ВАЙНА»(нявызн.), БелГазета (№46 (1220) 3 декабря 2019г.). Праверана 31 жніўня 2021.
    3. ↑ На YouTube з’явіўся фільм Андрэя Куцілы «Стрыптыз і вайна»(нявызн.), 34mag (10.05.2021). Праверана 31 жніўня 2021.
    4. ↑ Кацяловіч, Ірэна. Хто больш «сэксі»? Ірэна Кацяловіч пра фільм «Стрыптыз і вайна»(нявызн.), Беларуская служба Радыё «Свабода» (28 травень 2018, 09:01). Праверана 31 жніўня 2021.

    Спасылкі

    Тэмы гэтай старонкі (6):
    Катэгорыя·Фільмы 2019 года
    Катэгорыя·Фільмы паводле алфавіта
    Катэгорыя·Старонкі з няправільным сінтаксісам спасылак на крыніцы
    Катэгорыя·Дакументальныя фільмы Беларусі
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Фільмы Андрэя Куцілы