Сафі́ Ларэ́н, Сафія Ларэн (італ.: Sophia Loren) па нараджэнні Сафія Вілані Шыкалоне (італ.: Sofia Villani Scicolone; нар. 20 верасня 1934, Рым) — італьянская актрыса і спявачка. Уладальніца ганаровых прэмій многіх кінафестываляў – Канскага (1961), Венецыянскага (1958, 1998, 2002), Маскоўскага (1965, 1997), Берлінскага (1994). Уладальніца прыза лепшай актрысе МКФ у Сан-Себасцьяне (1974). Лаўрэатка пяці прэмій «Залаты глобус» (у спецыяльнай намінацыі «улюбёнка сусветнай публікі»), «Грэмі» (2004), «BAFTA», «Кубак Вальпі», «Сезар». Першая лаўрэатка прэміі «Оскара» за найлепшую жаночую ролю ў фільме на замежнай мове (1962). Уладальніца ганаровага «Оскара» (1991)