У Вікіпедыі ёсць артыкулы пра іншых асоб з прозвішчам Цвірка.
Пятрас Цвірка (літ.: Petras Cvirka, 12 сакавіка 1909, вёска Клангяй, цяпер Юрбаркскі раён, Літва — 2 мая 1947, Вільня) — літоўскі пісьменнік.
Нарадзіўся ў сялянскай сям’і. Вучыўся ў Каўнаскім мастацкім вучылішчы (1926-30). У 1940 годзе дэпутат народнага сейма. Быў перакананым антыфашыстам. Выступіў у 1924 як паэт і навеліст. Аўтар сатырычнага рамана «Франк Крук» (т. 1-2, 1934); сацыяльнага рамана з жыцця літоўскага сялянства «Зямля — карміцелька» (1935). Цвірку належаць таксама зборнікі апавяданняў «Паўсядзённыя гісторыі» (1938), «Карані дуба» (1945), «Зерне братэрства» (1947) і інш.; апавяданні для дзяцей, казкі (зборнік «Казкі Нёманскага краю», апублікаваныя ў 1948), нарысы, гумарыстычныя апавяданні, памфлеты, артыкулы пра літаратуру.