wd wp Пошук: ⬜

Оскар I

У Вікіпедыі ёсць артыкулы пра іншых людзей з імем Оскар.

Оскар I (шведск.: Oscar I, пры нараджэнні Жазеф-Оскар Бернадот, фр.: Joseph Oscar Bernadotte, 1799—1859) — другі з дому Бернадотаў кароль Швецыі і Нарвегіі (з 1844).

Сын генерала Жана Бернадота (пасля напалеонаўскага маршала, а затым караля Швецыі Карла XIV Юхана) і яго жонкі Дэзірэ Клары, былой нявесты Напалеона Банапарта (пасля каралевы Дэзідэрыі). Атрымаў незвычайнае для Францыі імя Оскар на хвалі сентыменталісцкай моды на скандынаўскія імёны; пра тое, што бацьку Оскара, а значыць, і яму самому, наканавана заняць трон двух скандынаўскіх каралеўстваў, Бернадоты не падазравалі.

У 1811 пасля абрання бацькі спадчыннікам шведскага прастола 12-гадовы Оскар прыбыў у Швецыю і, у адрозненне ад бацькоў, добра авалодаў шведскай мовай. Яшчэ пры жыцці бацькі іграў прыкметную палітычную ролю (з-за хвароб караля і моўнага бар’ера паміж ім і міністрамі); быў віцэ-каралём Нарвегіі. Да моманту ўзыходжання на прастол (1844) быў вельмі папулярны. Імкнуўся падкрэсліваць раўнапраўе шведскага і нарвежскага каралеўстваў. У 1844 быў уведзены сумесны шведска-нарвежскі сцяг (так званая «селядцовая салата»), а ў 1847 быў зацверджаны нарвежскі Ордэн Святога Олафа.

Сям’я

Меў ад шлюбу з Жазэфінай Лейхтэнбергскай, дачкі Яўгенія Багарнэ і ўнучкі імператрыцы Жазэфіны дзяцей:

Карл XV (1826—1872) — кароль Швецыі і Нарвегіі
Прынц Густаў (1827—1852) — герцаг Упландскі
Оскар II (1829—1907) — кароль Швецыі і Нарвегіі
Яўгенія (1830—1889)
Аўгуст (1831—1873) — герцаг Даларна

а таксама меў трох пазашлюбных дзяцей, якія іранічна зваліся «прынцамі Лапландыі»:

ад сувязі з актрысай Эміліяй Хёгкіст:
- Яльмар Хёгкіст, (18.06.1839, Гамбург — 1874, Лондан)
- Макс Хёгкіст, (12.08.1840, Стакхолм — 1872, Кітай)
ад сувязі с Жакет Лёвенхільм дачка:
- Аскарыя (1819)

Зноскі

1 2 3 4 5 6 7 Oscar I — 1917.
↑ Oscar I // Encyclopædia Britannica Праверана 9 кастрычніка 2017.
1 2 Hovförsamlingens kyrkoarkiv, Död- och begravningsböcker, SE/SSA/0007/F I/2 (1854-1860), bildid: 00033279_00024
↑ Olsson M. Riddarholmskyrkan - inventories and graves — 1937. — С. 463. Праверана 21 лютага 2019.
↑ Bernadotteska gravkoret Праверана 3 сакавіка 2019.
↑ (unspecified title) Праверана 7 жніўня 2020.
↑ Lundy D. R. The Peerage
↑ List of Royal Society Fellows 1660-2007 — Лонданскае каралеўскае таварыства. — С. 268.

Спасылкі

Оскар I // Энциклопедический словарь Брокгауза и Ефрона: В 86 томах (82 т. и 4 доп.) (руск.) . — СПб., 1890—1907.
Профіль караля Оскара I Іасефа Франца на афіцыйным сайце РАН

Папярэднік:
Карл XIV Юхан

Кароль Швецыі

1844—1859

Пераемнік:
Карл XV