Настасся Ігараўна Масквіна[1] (нар. 13 лістапада 1972, Мінск) — беларуская оперная спявачка (сапрана), прафесар кафедры спеваў БДАМ, дацэнт. Народная артыстка Беларусі (2016).
Настасся Масквіна нарадзілася ў Заводскім раёне Мінска. Скончыла 2 музычную школу імя М. І. Аладава[2].
У 1995 года годзе скончыла Беларускі ўніверсітэт культуры па спецыяльнасці рэжысёр тэатральнага калектыву.
У 2001 года скончыла Беларускую дзяржаўную акадэмію музыкі (Клас прафесара, заслужанай артысткі Рэспублікі Беларусь Л. Колас).
З 2002 года салістка Вялікага тэатра Беларусі.
У снежні 2012 года прысвоена вучонае званне дацэнта. Выкладае ў Беларускай дзяржаўнай акадэміі музыкі.
У рэпертуары: Вiлiсы. Фатум (Ганна), Багема (Мімі), Лятучая мыш (Разалінда), Яўген Анегін (Таццяна), Іаланта (Іаланта), Хаваншчына (Эма), Дзікае паляванне караля Стаха (Надзея Яноўская), Алека (Земфіра), Джані Скікі (Нэла, Лаўрэта), Кармэн (Мікаэла), Вяселле Фігара (Барбарына), Рыта, або Пірацкі трохвугольнік (Рыта), Трубадур (Леанора, Інэс), Набукка (Ганна), Бах… Кава… Джаз… (Лізэта), Горад майстроў (Вераніка), Аіда (Аіда), Князь Ігар (Яраслаўна), Чароўная флейта (Першая Дама), Лятучы галандзец (Сэнта).