Мікалай Мікалаевіч Сярдобаў (16 снежня 1905 — 24 лістапада 1990) — оперны спявак (лірыка-драматычны барытон), педагог. Заслужаны артыст Армянскай ССР (1939), Народны артыст Беларускай ССР (1955).[1]
Скончыў Куйбышаўскі музычны тэхнікум (1929). З 1930 года ў оперных тэатрах Куйбышава, Ерэвана, Пермі, Свярдлоўска. З 1946 года саліст Дзяржаўнага тэатра оперы і балета Беларусі. У 1960—1975 гадах выкладчык і рэжысёр Опернай студыі Беларускай кансерваторыі, адначасова ў 1960—1987 гадах кіраўнік Мінскай народнай опернай студыі Палаца культуры Белсаўпрофа.