Крыштальны палац (англ.: Crystal Palace) у лонданскім Гайд-парку быў пабудаваны ў 1850—1851 з жалеза і шкла да Сусветнай выстаўкі 1851 года. Выставачная зала плошчай звыш 90 000 кв.м., працягласцю 564 м і вышынёй да 33 м[2], выбудаваны пад кіраўніцтвам Джозефа Пакстана, умяшчаў да 14 000 наведвальнікаў. Па завяршэнні выстаўкі Палац быў разабраны і перанесены на новае месца, у лонданскае прадмесце Сіднем-Хіл. 20 лістапада 1936 Крыштальны Палац быў знішчаны пажарам і не аднаўляўся.
Палац даў сваё імя прылегламу раёну Паўднёвага Лондана, чыгуначнай станцыі, комплексу тэлевізійных вышак і футбольнаму клубу «Крыстал Пэлас».