У паняцця ёсць і іншыя значэнні, гл. Канзас (значэнні). Канзас (англ.: Kansas) — штат у цэнтральнай частцы ЗША, адзін з штатаў Сярэдняга захаду. Насельніцтва — 2.688.000 чалавек (2000). Сталіца — горад Топіка. Найбуйнейшы горад — Уічыта. Штат таксама называюць «кошык хлеба нацыі»: ён лідзіруе сярод штатаў па вырошчванню пшаніцы. Кветка штата — сланечнік, дрэва штата — таполя. Дэвіз — «Праз цёрн да зорак».
Назва паходзіць ад індзейцаў канза, азначае «людзі паўднёвага ветру».
Урад штата Канзас складаецца з трох галiнаў: заканадаўчая ўлада, якая выдае законы; выканаўчая ўлада, якая забяспечвае выкананне законаў; i судовая ўлада, якая тлумачыць i ўжывае законы. Усе дзяржаўныя суды ў Канзасе аб’яднаны ў судовую ўладу і ажыццяўляюць розныя судовыя паўнамоцтвы. Яны ўключаюць: Вярхоўны суд, Апеляцыйны суд, акруговыя суды i мунiцыпальныя суды[4].
Бюро расследаванняў Канзаса (KBI) заяўляе, што агульная колькасць зарэгiстраваных злачынстваў у 2019 годзе на 5,5 % нiжэй за сярэднi за апошнiх 10 гадоў. Таксама агульны iндэкс злачынстваў знiзiўся на 5,5 % з 2018 па 2019 год[5].