Запаро́жская во́бласць (укр.: Запорі́зька о́бласть) — адміністрацыйна-тэрытарыяльная адзінка ва Украіне. Плошча вобласці складае 27,18 тыс. км². Насельніцтва — 1 877,2 тыс. чалавек (2005). Адміністрацыйны цэнтр — горад Запарожжа.
На поўначы і паўночным захадзе мяжуе з Днепрапятроўскай вобласцю, на захадзе з Херсонскай, на ўсходзе з Данецкай вобласцю, а на поўдні яе ўзбярэжжа абмываецца Азоўскім морам, берагавая лінія якога ў вобласці перавышае 300 км. Працягласць з поўначы на поўдзень 208 км, з захаду на ўсход 235 км.
Вобласць падзяляецца на 5 раёнаў. У сваю чаргу, яны падраздзяляюцца на 69 тэрытарыяльных грамад[4].