Жан Анры Фабр (фр.: Jean Henri Fabre, 22 снежня 1823, Сен-Леон, Аверон — 11 кастрычніка 1915, Серыньян-дзю-Контэ, Ваклюз) — французскі вучоны-энтамолаг і пісьменнік.
Школьны настаўнік, аўтар шэрагу падручнікаў і навукова-папулярных кніг па натуральных навуках. Займаўся галоўным чынам вывучэннем жыцця і інстынктаў насякомых (пераважна перапончатакрылых, жукоў і прамакрылых), а таксама павукоў і скарпіёнаў, адзін з заснавальнікаў эталогіі. Асаблівай вядомасцю карыстаецца яго дзесяцітомны твор «Энтамалагічныя ўспаміны» (1879—1907), у якім апісаны шматгадовыя назіранні за ладам жыцця насякомых і некаторых іншых членістаногіх (павукоў, скарпіёнаў).