Дональд Джэймс Крэм, таксама Крам (22 красавіка 1919, Чэстэр (Вермонт), ЗША — 17 чэрвеня 2001, Палм Дэзерт (штат Каліфорнія), ЗША) — амерыканскі хімік, лаўрэат Нобелеўскай прэміі па хіміі (1987), якую ён падзяліў з Чарльзам Педэрсенам і Жан-Мары Ленам) «за распрацоўку і прымяненне малекул са структурна-спецыфічнымі ўзаемадзеяннямі з высокай селектыўнасцю». Вядомы па правіле Крэма, мадэлі, якая прадказвае вынік нуклеафільнай атакі карбанільнай групы. Разам з Ленам і Педэрсенам заснаваў т.зв. хімію комплексу «госць-гаспадар», вобласць супрамалекулярнай хіміі.