Ве́рбаўка — рака ў Беларусі, у Дрыбінскім[2] і Чавускім раёнах Магілёўскай вобласці, левы прыток ракі Проня (басейн Дняпра).
Даўжыня ракі 27 км. Плошча вадазбору 159 км². Сярэдні нахіл воднай паверхні 2,7 ‰. Пачынаецца на паўднёвым захадзе ад аграгарадка Цёмны Лес Дрыбінскага раёна[2], вусце за 2 км у напрамку на паўднёвы захад ад вёскі Вярбоўка Чавускага раёна. У сярэдняй і нізкай плыні на працягу 15,2 км каналізаваная. Прытокі: Баброўка, ручай Горлаўскі (левыя)[3].
Каля ракі населеныя пункты Галалобаўка, Шаблавы, Таўкачы, Расна[2].