У Вікіпедыі ёсць артыкулы пра іншых асоб з прозвішчам Коэн. Джоэл Дэвід Коэн (англ.: Joel David Coen; нар. 29 лістапада 1954) і Ітан Джэсі Коэн (англ.: Ethan Jesse Coen; нар. 21 верасня 1957) — амерыканскія рэжысёры, прадзюсары і сцэнарысты кіно. Яны з’яўляюцца роднымі братамі і сумесна працуюць на ўсіх этапах працэсу кінавытворчасці (фармальна ў цітрах гэта не паказваецца, часам выкарыстоўваецца агульны псеўданім мантажор Радэрык Джэйнс, англ.: Roderick Jaynes).
Уладальнікі 4 прэмій «Оскар» (у 1996 і тройчы ў 2007 гадах), дзвюх прэмій BAFTA (1996 і 2007 гады), Залатой пальмавай галінкі Канскага кінафестывалю (1991 год) і яшчэ больш як 70 узнагарод асноўных кінематаграфічных конкурсаў і фестываляў.