Міжнародны аэрапорт імя Аляксандра Картвелі[2] (IATA: BUS, ICAO: UGSB) — аэрапорт, размешчаны за 2 км на поўдзень ад Батумі, Аджарыя, Грузія. Аэрапорт знаходзіцца за 20 км на паўночны ўсход ад Хопы (Турцыя) і служыць унутраным і міжнародным аэрапортам Грузіі і паўночна-ўсходняй Турцыі.
Батумі з’яўляецца адным з трох міжнародных аэрапортаў у Грузіі (разам з міжнародным аэрапортам Тбілісі, які абслугоўвае сталіцу Грузіі і міжнародны аэрапорт ў Кутаісі другога па велічыні горада ў Грузіі). Новы тэрмінал аэрапорта працуе з 26 мая 2007 года. Агульнай плошчай 4 256 м², ён здольны перавозіць 600 000 пасажыраў у год.
Міжнародны аэрапорт Батумі адзначыў значны рост колькасці пасажыраў пасля рэканструкцыі, праведзенай холдынгам TAV Airports у 2007 годзе. У 2011 годзе аэрапорт абслужыў 134 000 пасажыраў, што на 51 % больш за папярэдні год.
У 2019 годзе было вырашана пашырыць тэрмінал, паколькі існуючых магутнасцей ужо не хапала. Праца была завершана вясной 2021 года. Плошча была павялічана ўдвая і складае 8000 квадратных метраў, што дазваляе апрацоўваць 1 200 000 пасажыраў у год. Таксама была пашырэнна колькасць аўтобусных варот, стойкі рэгістрацыі і пашпартнага кантролю, а таксама пашырэнне бяспошлінных зонаў і паркоўкі. Акрамя таго, была часткова пашырана зона захоўвання багажу, дзе была ўведзена аўтаматычная канвеерная сістэма і ўсталявана дадатковая карусель для багажу. Усяго было ўкладзена 17 мільёнаў долараў ЗША.
Авіякампанія | Пункты прызначэння |
---|---|
Air Arabia | Шарджа[3] |
Aircompany Armenia | Ерэван |
Arkia | Сезонны: Тэль-Авіў (Бен-Гурыён)[4] |
Atlantis Armenian Airlines | Сезонны: Ерэван |
Белавія | Мінск |
Buta Airways | Баку[5] |
El Al | Сезонны: Тэль-Авіў (Бен-Гурыён) |
flydubai | Сезонны: Дубай[6] |
flynas | Эр-Рыяд Сезонныя: Эд-Дамам, Джыда[7] |
FlyOne | Сезонны: Кішынёў[8] |
Georgian Airways | Тбілісі Сезонныя: Тэль-Авіў (Бен-Гурыён),[9] Ерэван[10] Сезонны чартар: Аман[11] |
GetJet Airlines | Сезонны чартар: Вільнюс[12] |
LOT Polish Airlines | Сезонны: Варшава (Шапен)[13][14] |
Pegasus Airlines | Стамбул (Сабіхі Гёкчэн)[15] |
SCAT Airlines | Нур-Султан[16] Сезонны: Актау |
SkyUp | Кіеў (Барыспаль)[17] Сезонныя: Харкаў,[18] Львоў,[19] Запарожжа[20] |
SmartLynx Airlines | Сезонны чартар: Талін[21] |
Sun D'Or | Сезонны: Тэль-Авіў (Бен-Гурыён)[22] |
Turkish Airlines | Стамбул |
Vanilla Sky Airlines | Тбілісі |
Yanair | Кіеў (Жуляны)[23] Сезонныя: Харкаў,[24][25] Львоў,[26] Адэса[27] |
Год | Усяго пасажыраў | Змена ў параўнанні з папярэднім годам |
---|---|---|
2019 | 624 178 | ▲04,2 % |
2018 | 598 891 | ▲ 20,8 % |
2017 | 495 668 | ▲ 58,7 % |
2016 | 312 343 | ▲ 37,9 % |
2015 | 226 476 | ▲05,9 % |
2014 | 213 439 | ▲02,2 % |
2013 | 208977 | ▲ 24,0 % |
2012 | 168 510 | ▲ 25,9 % |
2011 | 133 852 | ▲ 51,1 % |
2010 | 0 88 562 | ▲ 92,3 % |
2009 | 0 46 044 | ▼ 28,8 % |
2008 | 0 64 656 | ▲ 67,4 % |
2007 | 0 38613 | ▬ |
Паводле звестак Дэпартамента па турызме, у верасні 2015 года ў міжнародным аэрапорце Батумі 11 792 наведвальнікі былі замежнага паходжання, што на 54 % больш у параўнанні з папярэднім годам.[29]