Ізабэль Жэфруа (фр.: Isabelle Geffroy, нар. 1 мая 1980, Тур) — французская спявачка, якая выступае пад псеўданімам ZAZ (ЗАЗ). Больш за ўсё вядомая сваёй песняй Je veux («Я хачу»). У сваёй творчасці выкарыстоўвае і змешвае жанры: эстрадная песня, джаз, фолк, акустычная музыка.
Яе нетыповы голас нагадвае Фрээль і Піяф. Сярод сваіх музычных уплываў яна згадвае «Поры года» Вівальдзі, джазавую спявачку Элу Фіцджэральд, французскую песню, Энрыка Масіяса, Бобі Мак-Ферына, Рышара Бона, лацінскія, афрыканскія і кубінскія рытмы.