«Windows XP» (кодавая назва пры распрацоўцы — Whistler; ўнутраная версія — Windows NT 5.1) — аперацыйная сістэма (АС) сямейства Windows NT карпарацыі «Microsoft». Яна была выпушчаная 25 кастрычніка 2001 года і з’яўляецца развіццём «Windows 2000 Professional». Назва XP паходзіць ад англ. eXPerience (вопыт).
У адрозненне ад папярэдняй сістэмы «Windows 2000», якая пастаўлялася як у серверным, так і ў кліенцкім варыянтах, «Windows XP» з’яўляецца выключна кліенцкай сістэмай. Яе серверным аналагам з’яўляецца «Windows Server 2003».