Wiadomości Numizmatyczne (бел.: Нумізматычныя ведамасці) — навуковы часопіс па нумізматыке і сумежных дысцыплінах Польшчы і сумежных краін. Выходзіць з 1957 года. Орган Польскага археалагічнага таварыства (1957—1972 гады), Польскага археалагічнага і нумізматычнага таварыства (1972—1989 гады), Нумізматычнай камісіі Камітэта гістарычных навук Польскай акадэміі навук (з 1989 года).
Часопіс стаў працягам часопісаў «Wiadomości Numizmatyczno-Archeologiczne» (Кракаў, 1889—1948 гады) і «Biuletynu Numizmatycznego» (Варшава, 1951—1955 гады). Да 1998 года выходзіў штоквартальна.