Walt Disney Animation Studios (WDAS) (часам скарачаецца да Disney Animation) — амерыканская анімацыйная студыя, якая стварае анімацыйныя фільмы для кампаніі The Walt Disney Company. Cтудыя была заснаваная 16 кастрычніка 1923 года братамі Уолтам Дыснеем і Роем Дыснеем[2]. Студыя з’яўляецца адной з найстарэйшых анімацыйных студый у свеце і ў цяперашні час дзейнічае як падраздзяленне студыі Walt Disney Studios са штаб-кватэрай у Бербанку, Каліфорнія[3]. З моманту заснавання студыя выпусціла больша за 50 мастацкіх фільмаў. Самы стары з іх — «Беласнежка і сем гномаў» 1937 года выпуску[4].