Vangidae — сямейства вераб’іных птушак. Знаходзяцца ў сваяцтве з сямействам Prionopidae, віды якога жывуць у Афрыцы[1].
Уключае дробных або сярэдніх птушак (даўжыня цела ад 12 да 30 см), у апярэнні якіх кантрасна спалучаюцца чорны, сіні, белы, буры або шэры колеры. Дзюба моцная, крукападобная. Крылы кароткія або доўгія, закругленыя, хвост доўгі. Засяляюць лясы і хмызнякі, сілкуюцца насякомымі і іншымі дробнымі жывёламі (аж да дробных яшчарак і жаб), якіх яны ловяць сярод галін. Гнёзды ўюць на дрэвах, адкладаюць 3-4 яйкі белага ці зялёнага колеру з бурымі плямкамі.
Распаўсюджаныя на Мадагаскары.
У сямействе 12 родаў (10 з якіх на дадзены момант манатыпныя), 15 відаў.