Usplёsk — былы беларускі рок-гурт з Маладзечна. Выконваў музыку ў змяшаным стылі пад уплывам альтэрнатыўнага року і ню-метала.[1][2] Выпусціў тры студыйныя альбомы. Песні пераважна па-беларуску. У 2005 годзе выйшаў першы альбом гурта «КАРАгод». У 2007 годзе гурт выпусціў другі альбом пад назвай «Выварат Вілія». У 2010 годзе праект трансфармаваўся ў аўдыёвізуальны эксперымент «IOD». У 2021 годзе музыкі апублікавалі трэці альбом «Сонца высока», запісаны ў 2010 годзе ў Вільні.