Therion (ад грэч. θηρίον — «звер») — шведскі сімфонік-метал-гурт, заснаваны ў 1987 годзе. Therion лічацца найстарэйшым гуртом у стылі сімфонік-метал і аднымі з заснавальнікаў гэтага жанру (разам з пазнейшымі Nightwish). З сярэдзіны 1990-х іх кампазіцыі запісваюцца і выконваюцца з удзелам жывых аркестраў, запрошаных вакалістаў і хароў. Большая частка песень гурта датычыцца розных містычных вучэнняў і міфалогіі народаў свету.
Заснавальнік, лідар і галоўны кампазітар Therion — гітарыст Крыстафер Ёнсан. Астатні склад гурта нясталы, шмат разоў мяняўся і часта дапаўняецца запрошанымі музыкантамі.