wd wp Пошук: ⬜

The Rolling Stones

«The Rolling Stones» (Ролінг Стоўнз) — брытанскі рок-гурт. Адзін з найвялікшых гуртоў у гісторыі рок-музыкі.

Гісторыя

Заснаваны ў 1962 у Лондане. Назва была абрана песні Мадзі Уотэрса «Rollin’ Stone». У першы склад уваходзілі вакаліст Мік Джагер, гітарысты К. Рычард і Б. Джонс, піяніст І. Сцюарт, пазней прыйшлі Б. Уаймен (бас-гітара), Ч. Уотс (ударныя). Дэбютавалі ў 1962, першы альбом пад назвай «Rolling Stones» выйшаў у 1964. У другой палове 1960-х г. атрымала міжнароднае прызнанне; росквіт спелага майстэрства прыйшоўся на 1970-я. У пачатку 1990-х г. музыканты групы, якія даўно сталі культавымі фігурамі, зрабілі беспрэцэдэнтнае турнэ за ўсю гісторыю існавання рок-музыкі. У першыя гады існавання ў рэпертуары пераважалі творы рок-н-рола, песні дуэта Джагер-Рычардс, а з канца 1960-х — толькі ўласныя песні. [23]

Выконваюць рознастылёвыя песні — ад кантры да блюза. Музыка «The Rolling Stones» вызначаецца арыгінальнасцю гучання, моцнай энергетыкай, насычанай эмацыянальнасцю, бунтарскімі паводзінамі і тэкстамі песень, гарманічным зліццём непаўторнага голасу Джагера і запамінальных гіпнатычных рытмаў. Група з’яўляецца лідарам сярод рок-музыкантаў па колькасці «залатых», «плацінавых» і «мультыплацінавых» альбомаў.

Гурт выдаў 22 студыйных альбомы ў Велікабрытаніі (24 у ЗША) і працягвае дзейнасць да цяперашняга часу.

Дыскаграфія

1964 The Rolling Stones (UK)
1964 England’s Newest Hit Makers (USA)
1964 12 X 5 (USA)
1965 The Rolling Stones № 2 (UK)
1965 The Rolling Stones, Now! (USA)
1965 Out of Our Heads (UK\USA)
1965 December’s Children (And Everybody’s) (USA)
1966 Aftermath (UK\USA)
1967 Flowers (USA)
1967 Between the Buttons (UK\USA\Japan)
1967 Their Satanic Majesties Request
1968 Beggars Banquet
1969 Let It Bleed
1971 Sticky Fingers
1972 Exile on Main St.
1973 Goats Head Soup
1974 It’s Only Rock and Roll
1976 Black & Blue
1978 Some Girls
1980 Emotional Rescue
1981 Tattoo You
1983 Undercover
1986 Dirty Work
1989 Steel Wheels
1994 Voodoo Lounge
1997 Bridges to Babylon
2005 A Bigger Bang

Зноскі

Літаратура

Падбярэзскі Дз. А. «Ролінг Стоўнз» // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 13: Праміле — Рэлаксін. — С. 404. — 576 с. — 10 000 экз. — ISBN 985-11-0216-4 (т. 13), ISBN 985-11-0035-8.

Спасылкі

На Вікісховішчы ёсць медыяфайлы па тэме The Rolling Stones